एकाच छताखाली सगळे देव

डेन्व्हर परिसरातलं हिंदू टेंपल अँड कल्चरल सेंटर ऑफ द रॉकीज (Hindu Temple and Cultural Center of the Rockies) आमच्या घरापासून पंधरा मिनिटांच्या अंतरावर होतं. त्याची वेळ सकाळी नऊ ते बारा आणि संध्याकाळी सहा ते नऊ अशी होती.

आपल्याकडे जसं एखाद्या मंदिरात एकच देवी किंवा एकच देव असतो, तसं इथे नव्हतं. लक्ष्मी-विष्णू, बालाजी, कृष्ण, राम-लक्ष्मण-सीता, हनुमान, गणपती, सगळे देव एकाच ठिकाणी होते. त्या त्या देवांचे सणवार, उत्सव अतिशय शास्त्रोक्त पद्धतीने साजरे केले जातात.

देवाला प्रसाद म्हणून प्रत्येकजण काही ना काही घेऊन आलेला होता, जिलेबी, सफरचंद, लाडू, बर्फी... थोडंथोडकं नाही, भरपूर! येणाऱ्या प्रत्येक भक्ताला, ज्यांना हवा असेल त्यांना, चहा वगैरे दिलं जातं.

वातावरण अतिशय स्वच्छ आणि प्रसन्न होतं. गडबड नाही, गोंधळ नाही. प्रत्येकजण शिस्तीत, रांगेने दर्शन घेत होता. एक-दोन तास कसे निघून गेले, ते समजलंच नाही. 👏